Naglunsad ang Globe Telecom ug Starlink og Direct-to-Cell (DTC) satellite service nga motugot sa mga mobile phone users nga maka-access sa internet bisan sa mga lugar nga walay cell signal.
Nagkonek ang serbisyo direkta sa LTE-enabled nga mga cellphone ngadto sa satellite ug magamit basta direkta ug walay babag ang signal paingon sa satellite. Nahimong unang nasod sa Southeast Asia, ikaduha sa Asia, ug ikawalo sa kalibutan ang Pilipinas nga naghatag niini nga teknolohiya.
Gilauman nga ilunsad sa unang quarter sa 2026 ang serbisyo ug magamit sa tanang Globe subscribers. Awtomatikong mosulod ang satellite connection kon mawala ang cell signal, basta rehistrado ug naka-on ang roaming.
Mahimo usab gamiton ang serbisyo sa gawas sa nasod sa mga lugar nga adunay Starlink coverage pinaagi sa reciprocal access. Gidawat sa DICT ang proyekto isip dakong lakang padulong sa nationwide connectivity.
Magpadayon gihapon ang pamuhunan sa fiber optic ug mobile towers, samtang gipasiguro sa Globe nga abot-kaya ang presyo ug wala pa gilauman ang ganansya sa unang yugto.
Photo Courtesy:Philippine News Agency
