Nakaplagan ang patayng lawas sa usa ka babaye sa Minapan High School, Tulunan, Cotabato, hapon niadtong adlawng Huwebes, Enero 15, 2026.
Sa impormasyon, giila ang biktima nga si Mary Ann Jacobo Gardose, 47-anyos, sales lady ug residente sa Barangay Bagontapay, M’lang sa nahisgutang Probinsya.
Matod pa, nakaplagan ang biktima nga wala nay kinabuhi ug adunay mga bun-og sa iyang walang braso.
Sumala pa sa Tulunan Municipal Police Station, aduna na silay suspek nga responsable sa kamatayon sa biktima nga matod pa usa ka security guard, nga dali usab nisibat human sa panghitabo.
Sa karon, padayon pang ginapangita sa otoridad ang suspek aron mapatubag kini sa sala nga iyang nahimo.
Samtang padayon pa ang ginahimong imbestigasyon sa otoridad aron masuta ang motibo sa krimen ug ipailawom usab sa autopsy ang patayng lawas sa biktima, aron masuta ang hinungdan sa iyang kamatayon.
