Patay nang nakaplagan ang usa ka menor de edad nga babae sa kapinyahan sa Brgy. Maligo, Polomolok, South Cotabato. Giila ang biktima nga si Sharlyn Bernaldez, 15-anyos ug residente sa nasampit nga Brgy.
Nasayran nga sukad naidtong adlawng Martes wala na matod pa kini nakauli sa ilahang panimalay human kini nakigtagbo sa iyahang mga barkada aron mangaligo og swimming pool.
Hinungdan nga mibati og kabalaka ang iyang pamilya ug rason nga nagsugod silag pagpangita pinaagi sa pagpost sa facebook.
Apan nakurat nalamang ang inahan sa Biktima nga si Mary Joy Manhinay human nadawat ang report nga dunay usa ka babae nga nakaplagang nag buy-od sa sa kapinyahan ug wala nay kinabuhi.
Gituohang gilugos matod pa ang biktima tungod wala na kini gisuot nga pajama sa dihang nakaplagan ang lawas niini sa pinyahan.
Sa pagkakaron duna nay duha ka lalaki nga gikonsiderang Person of Interest sa maong panghitabo, human narekober duol sa crime scene ang Jersey nga gituohang gisuot sa suspek.
Photo Courtesy: MDDRMO-Polomolok
