Padayon sa gihapon sa ilang aktibong partisipasyon ang Bureau of Fire Protection (BFP)–Caraga Fire Station atol sa gipahigayong Business One-Stop Shop (BOSS) sa Caraga Municipal Gym, Caraga, Davao Oriental diin aron mutabang sa mga kliyente sa pagproseso sa tinuig nga business permit pinaagi sa Fire Safety Inspection System (FSIS).
Ang maong inisyatiba nagpakita sa lig-on nga pasalig sa BFP sa pagpahapsay sa mga serbisyo, pagkunhod sa red tape, pagpalig-on sa lokal nga Negosyo ug paghimo sa kaluwasan sa publiko nga mas dali nga maka-access alang sa tanang establisyemento sa munisipyo sa Caraga.
Ang mga personahe sa BFP Caraga anaa sa lugar aron maghatag ug suporta, magrepaso sa mga kinahanglanon sa kaluwasan sa sunog ug mapadali ang pag-isyu sa Fire Safety Inspection Certificate (FSIC) aron usab nga masiguro ang pagsunod sa mga fire safety standards.
Kalabot niini, gi-awhag sa lokal nga panggamahanan ang tanang nanag-iya ug negosyo nga adunay fire safety ug permit-related nga mga kinahanglan nga muduol lamang sa BOSS sa Caraga Municipal Gym alang sa hustong giya ug serbisyo.
