Dakpan ang usa ka 23-anyos nga babaye human kini napalitan sa gituohang shabu atol sa usa ka buy-bust operation sa kapulisan sa Asuncion MPS, bandang ala-una sa kadlawon, Enero 13, 2026, sa Prk. 9B, Brgy. Magatos, Asuncion Davao del Norte.
Giila ang suspek nga si alyas, JC, single, residente sa Northern Plains Subdivision, Panabo City Davao del Norte.
Subay sa report, gidakop ang suspek tungod sa paglapas sa Republic Act 9165 kon Comprehensive Dangerous Drugs Act of 2002.
Nakuha atol sa maong operasyon ang duha ka pakete sa gituohang shabu, usa ka markadong salapi nga genuine Php1000 bill, unom ka counterfeited Php1000 bill nga boodle money, Cellphone, coin purse ug mga drug paraphernalia.
Gibana-banang motimbang og 3.5 gramo ang nasakmit nga ilegal nga droga gikan sa posesyon sa maong suspek nga mobalor ngadto sa Php23,800 subay sa Standard Drug Price.
Balhug na karon sa Asuncion Municipal Police Station custodial facility ang maong dinakpan alang sa tukmang disposasyon.
Photo Courtesy : istock
