Gipahimutang sa Barangay Poblacion, Iligan City ang mga Social Work Interns nga naggikan sa Social Work Department sa Lanao Central College, Incorporated. Ang Iligan City Health Office maoy nagdumala ug naghatag og giya sa mga interns pinaagi sa Special Programs Unit.
Pinaagi sa maong deployment, nagamit sa mga interns ang ilang mga kahibalo ug kahanas nga ilang nakat-unan sa eskwelahan sa aktuwal nga pagserbisyo sa komunidad.
Nagpahigayon ang mga interns og nagkalain-laing kalihokan sama sa group work sessions ug reflective learning activities nga nagpunting sa aktibong partisipasyon sa komunidad, pagpalambo sa social responsibility, ug paghatag bili sa maayong pamatasan ug panglawas nga binuhatan.
Usa sa mga mipasiugda sa kalihokan mao si Ms. Venus N. Pialan, miyembro sa Special Programs Staff, nga mipadayag sa iyang mga praktikal nga kasinatian ug pamaagi sa pag-alagad nga puno sa kalooy.
Iyang gipasiugda ang kamahinungdanon sa dedikasyon, hustong pamatasan, ug lig-on nga panaghiusa aron makab-ot ang tinuod ug malungtarong kausaban sa katilingban.
Kini nga panaghiusa tali sa lokal nga gobyerno ug institusyon sa edukasyon nagsuporta sa panan-aw ni Iligan City Mayor Frederick W. Siao, nga nagtuo nga ang padayon nga kolaborasyon tali sa duha ka sektor dakong hinungdan sa kalamboan sa syudad.
