Moabot sa syudad sa Pagadian ang dakong barko sa Headquarters Coast Guard District Southwestern Mindanao nga gisakyan sa imahe sa Sr. Sto Nino atol sa fluvial procession nga pagahimoon sa may Wharf Area, Barangay Santiago, Pagadian City, karong Enero 17, 2026.
Matod ni LCDR Vincent Bryan M. Marcos, Station Commander sa Philippine Coast Guard Zamboanga del Sur, ang maong barko moabot sa Pagadian isip tubag sa ilang request nga mao ang sakyan sa imahe sa Sr. Sto Nino ug uban pang mga VIPs nga mosalmot sa fluvial procession.
Ang MRRV-4401 Capones iya sa Headquarters Coast Guard District Southwestern Mindanao nga nagsilbing Multi-Role Response Vessel ug sagad ginapadala sa bisan asang lugar sa Mindanao kon may mo-request nga mga substation.
Gisaysay ni LCDR Marcos, unang higayon pa lang nga kargahan sa imahe ni Sr. Sto Nino ang MRRV-4404 Capones sa mga ginahimong fluvial procession sa syudad sa Pagadian dungan sa pagsaulog sa Pasalamat Festival.
Abli sa PCG Zamboanga del Sur ang in house viewing sa MRRV 4404 Capones alang sa tanang dumuduong nga gustong motan-aw sa barko, karong Enero 16, 2026 gikan sa alas 9 sa buntag hangtud alas 3 sa hapon.
