Gisugyot sa hawanan sa Konseho sa dakbayan sa Cagayan de Oro ang daghang pamaagi aron nga matagad ug mapugngan ang pagsaka pa sa kaso sa aksidente sa kadalanan sukad pa sa bulan sa Disiyembre hangtud ning bag-ong tuig.
Nag-una sa suhistyon ni Konsehal Roger Abaday ang hugtanong pagpatuman sa Oplan Ligtas Biyahe. Kalakip dinha ang pagpatuman og random breathalyzer checkpoints ug iprayoridad ang pagpalit sa mga breathalyzer devices.
Kini labi pa nga sagad sa natalang disgrasya, gikalambigitan sa mga motorista nga lango sa ilimnong makahubog.
Dugang pa ni Konsehal Abaday, ang istriktong pagpatuman sa zero obstruction ug no parking policies sa piling mga lugar nga daling muhuot ang dagan sa trapiko.
Sunod nga lakang sa konseho niini ang hugot nga koordinasyon ngadto sa Roads and Traffic Administration aron mahisgutan kini nga mga sugyot ug maaksyunan kini nga problema.
Photo courtesy: CDRRMD-Oro Rescue
