Nahimong fluent kong operahan ang usa ka lalaki nga si Stephen Chase 33-anyos, abogado gikan sa Utah, U.S.A. dili makahibalo moistorya sa Espanyol,usa ka talagsaong misteryo sa medisina ang giatubang.
Bisan pa sa kakulang sa pormal nga kahibalo sa pinulongang Espanyol (gawas sa pag-ihap hangtod napulo), kalit siyang mahimong maayo ug hapsay mosulti og Espanyol sulod sa 20 minutos matag mata niini gikan sa anesthesia human sa operasyon.
Nagsugod ang insidente sa dihang siya 19-anyos pa human sa usa ka knee surgery, ug nasubli kini sa iyang mga sunod nga operasyon sulod sa miaging dekada.
Sumala sa mga doktor, si Chase adunay Foreign Language Syndrome (FLS), usa ka talagsaong kondisyon nga adunay 100 pa lang ka kumpirmadong kaso sukad 1907.
Sa usa ka pahayag, miingon si Chase nga samtang naa siya ilalom sa impluwensiya sa Foreign Language Syndrome, nagtuo siya nga Iningles ang iyang gisulti ug natingala siya nganong dili siya masabtan sa mga nurse.
Sa iyang huna-huna, posibleng nasagap sa iyang subconscious ang pinulongang Espanyol tungod kay nagtubo siya sa lugar nga daghan og Hispanic. Lahi kini sa Foreign Accent Syndrome tungod kay dili lang punto o accent ang mausab, kundili ang tibuok bokabularyo ug grammar.
Photo Courtesy : msn
