Sa wala pa maimbento ang refrigeration, adunay talagsaong pamaagi ang mga panimalay sa Russia ug Finland aron mapadugay ang pagkadaot sa gatas. Base sa mga rekord sa kasaysayan, gibutang nila ang buhing European brown frog o Rana temporaria sulod sa sudlanan sa gatas aron mapugngan ang dali nga pagkapan-os niini.
Sumala sa mga siyentista, ang panit sa maong baki nagpagawas og antimicrobial peptides nga natural nga makapahinay sa pagtubo sa bakterya. Nadiskobrehan usab sa ulahi ang mga compound sama sa brevinins ug temporins nga epektibo batok sa bakterya nga hinungdan sa pagkadaot sa gatas.
Karon, padayon pang ginatun-an sa mga eksperto ang maong mga peptides tungod sa ilang potensyal nga magamit sa paghimo og bag-ong antimicrobial treatments batok sa nagkalain-laing impeksiyon.
Photo Courtesy: Amani Bejaoui
