Emosyonal si Elias Lintucan Jr.,nga mas naila sa iya fb page nga Elias J.Tv., dihang gibalikan niini ang lisod nga kaagi nga maoy rason sa iyang pagpaningkamot pinaagi sa pagbuhat og viral videos ug musika.
Sa iyang interview kang Toni Gonzaga sa Toni Talks, gipaambit niya nga sa wala pa siya nahimong sikat, daghang giagihan ang iyang pamilya sukad niadtong na-ospital ang iyang amahan.
Kinahanglan pa nila ibaligya ang ilang kayutaan ug ang iyang inahan misugod og trabaho abroad, tungod sa grabeng kakulangon sa kwarta.
Usa sa mga nakapahilak kang Elias, mao ang paghinumdom sa higayon nga naghangyo siya sa Ginoo nga hatagan lang siya og usa ka bulan, aron mahaw-as iyang pamilya sa kalisod.
Sulti pa sa singer, usa usab sa mga rason ngano padayon siyang nagapaningkamot, mao ang kaugmaon sa iyang 5-anyos nga anak nga si Apollo, aron dili kini masinati-an ang kalisod nga iyang giagihan kaniadto.
Kahinumduman, sa tuig 2024 nahimong viral ang iyang video pinaagi sa lingaw nga vlog content ug raket nga pagkanta. Gikan sa birthday guesting ug pagkanta sa mga bars, karon nakaabot na siya sa world concert tour.
Photo Courtesy: Meet Me in Cebu
