Gilimod ni Marian Rivera nga siya ug ang iyang bana nga si Dingdong Dantes mao ang gidungong nga “power couple” sa usa ka blind item nga mikatag sa Internet niadtong miaging semana.
Sumala sa maong blind item, ang gitumong nga magtiayon giila nga murag perpekto tan-awon ug adunay lig-on nga imahe sa showbiz. Apan klaro nga gisalikway ni Marian ang maong alegasyon.
Matod pa sa aktres, naglibog siya nganong kanunay na lang adunay mogawas nga blind item nga wala man kunoy basihanan.
Gipatin-aw usab ni Marian nga wala’y kamatuoran ang isyu ug nagpabilin silang lig-on ug malinawon sa ilang kaminyoon ni Dingdong, bisan pa sa nagkalain-laing espekulasyon nga mikatag online.
Photo courtesy: Marian Rivera/ Facebook
