Gikalingawan online ang usa ka litrato nga kuha sa usa ka amahan kun diin ang iyang 3-anyos nga babayeng anak ug ang iring nagdungan tan-aw og selpon.
Matod pa sa amahan nga lisod kaayo sa parte sa ilang mag-asawa nga pugngan ug kontrolon ang ilang anak sa paggamit sa selpon tungod kay mohilak kini kon kuhaon.
Tungod niini, nakahunahuna ang amahan nga palitan ug iring ang bata, kay hilig man usab kini sa mga hayop. Apan sa dihang anaa na ang iring imbis nga sila magdula dula ug maglingaw lingaw naadik apil ang iring pagtan-aw ug selpon.
Gani, nalingaw usab ug nagkatawa ang daghang netizens nga nakakita sa maong litrato.
