Aktibong misalmot ang Mati City Police Station sa 2026 Business One-Stop Shop (BOSS) alang sa Business Permit Registration ug Renewal sa Sambuokan Hall, Mati City niadtong nakalabay nga adlaw.
Ang maong aktibidad lakip ang paghatag og serbisyo sa Police Clearance, ubos sa pagpanguna ni PLTCOL FREDERICK C. SA-AO, Acting Chief of Police.
Ang maong kalihokan gihimo kauban ang nagkadaiyang partner agencies sa lokal nga kagamhanan aron mapadali ug mapasayon ang proseso sa pagparehistro ug pag-renew sa mga permit sa negosyo.
Gi-awhag usab sang tanang negosyante ug mga katawhan sa Syudad sa Mati nga magpahimulos sa mga serbisyong gitanyag atol sa BOSS.
Kini nga lakang dakong tabang sa mga nanginahanglan ug business permits aron nga mahimong legal ang pagpadagan sa negosyo.
