Gipadayag sa usa ka pagtuon nga ang ikaduhang natawo nga anak ilabi na ang mga lalaki mas lagmit makahatag og kagubot sulod sa panimalay kumpara sa kamagulangang igsoon. Matod sa mga eksperto, tungod kini sa kakulang sa atensyon nga kasagaran napadulong sa firstborn, hinungdan nga ang ikaduhang anak mangita og pamaagi aron mapansin bisan paagi sa kasamok.
Gipasabot usab nga dili kini pasabot nga daotan ang ikaduhang anak, kundili mas madiskarte ug aktibo lang sa ilang pagpakita sa kaugalingon. Giawhag ang mga ginikanan nga timbangon ang paghatag og atensyon sa tanang anak aron malikayan ang dili kinahanglan nga kalapasan ug panagbingkil sa sulod sa panimalay.
Photo Courtesy: Medium
