Walay gilauman nga dakong pagsaka sa presyo sa bugas bisan pa sa planong pagsaka sa taripa sa imported nga bugas sa Enero 16, sumala sa Department of Agriculture (DA).
Matod ni DA Assistant Secretary Arnel de Mesa, igo ra ang supply sa bugas sa nasod tungod sa maayong produksyon ug misaka nga rice inventory. Base sa datos sa Philippine Statistics Authority, miabot sa 2.7 milyones ka metriko tonelada ang national rice inventory as of Disyembre 1, 2025.
Gipasabot sa DA nga bisan sa upat ka bulan nga rice import ban, wala’y kakulang sa bugas ug wala misaka og kalit ang presyo. Gilauman usab nga moabot sa record-high nga 20.3 milyones ka metriko tonelada ang produksyon sa palay karong tuiga.
Tungod niini, gituohan sa DA nga magpabiling stable ang presyo sa bugas bisan pa sa pagtaas sa import duty gikan 15 ngadto sa 20 porsyento.
Photo Courtesy: Philippine News Agency
