Dakpan ang usa ka lalaki nag wanted sa tulo ka ihap sa kasong rape pinaagi sa gilunsad nga joint intelligence-driven operation sa kapulisan sa Sitio Kalawit, Barangay Tinaplan, lungsod sa Sindangan, Zamboanga del Norte niadtong milabayng adlaw.
Giila ang dinakpan nga si Jerry Estota Tulabing, 30-anyos, ulitawo, ug residente sa Brgy. Talinga, sa susamang lungsod. Nalista usab isip Top 3 Most wanted Provincial level ang maong akusado.
Gisikop ang suspetsado pinasikad sa warrant of arrest nga gipagula sa Regional Trial Court ,Family Court, Branch 05, Ninth Judicial Region, Sindangan, Zamboanga del Norte nga walay pyansa nga girekomendar.
Gipangunahan sa Sindangan Municipal Police Stationang maong operasyon kauban ang ZDNPIT RIU9, ug ZNPIU hinungdan sa malapusong pagkasikop niini.
Sa kasamtangan nakakustodiya na sa Sindangan MPS ang dinakpan alang sa tukmang disposisyon.
Photo Courtesy: The Appeal
