Dakpan ang usa ka lalaki nga gikonsiderang Top 7 Regional Most Wanted Person human nadakpan sa gikasang operasyon sa mga otoridad didto sa Sitio Matabang, Brgy. Taocanga, Manay, Davao Oriental, niadtong nakalabay nga adlaw.
Ang operasyon gihimo sa mga personahe sa Manay Municipal Police Station, uban sa mga sakop sa RPSB Cluster 8, RSOG 11, CIDG DOPRFU, 1st DOPMFC ug uban pang law enforcement units nga nagresulta sa pagkasikop ni alyas “Ben”, 34-anyos, adunay kalive-in partner, usa ka mag-uuma ug residente sa nahisgutang lugar.
Na aresto ang suspetsado pinaagi sa pagpatuman sa Warrant of Arrest alang sa kasong Qualified Rape ilalom sa CC No. 10240-25 nga walay pyansang girekomendar, sa kasong Lascivious Conduct ilalom sa Article 336 sa Revised Penal Code in relation to Section 5(b), Article III sa RA 7610 nga adunay CC No. 10241-25 ug adunay pyansang girekomendar nga nagkantidad ug Php 80,000.00, ug sa kasong Child Abuse ilalom sa Section 10(a) ubos sa CC No. 10242-25 nga adunay pyansang girekomendar ang korte nga mokabat sa Php 120,000.00.
Sa panahon sa pagdakop, gipahibalo ang akusado sa iyang katungod pinaagi sa pinulongan nga iyang nahibal-an ug nasabtan.
Sa kasamtangan ang dinakpan anaa na sa kustodiya sa Manay Municipal Police Station alang sa tukmang disposisyon.
