Naghatag og Relief for Indigents and Individuals in Crises and Emergencies R.I.I.C.E. Food Boxes ang Office of the Vice President (OVP) Sara Duterte – Surigao del Norte/Caraga Satellite Office sa 270 ka benepisyaryo nga apektado sa krisis sa sunog sa Barangay Taft diin naabtan ug Pasko ug Bag-ong Tuig, nga nagpabilin pa gihapon sa Evacuation Center.
Ang tabang ilawom sa R.I.I.C.E. Program o nagtumong sa paghatag pagkaon ug suporta sa mga pamilyang nawad-an og panimalay ug kabtangan human ang sunog nakaigo sa Purok 6 ug Purok Camia.
Naghatod ang mga kawani sa OVP nga gipangulohan ni Ms. Ruffa Mae M. Lunhayan pinaagi sa pakig-koordinasyon kang Punong Barangay Mario Gesta.
Nagpasalamat si Mr. Basalan sa Barangay Taft Council tungod sa mainiton nga pagdawat sa relief activity ug sa ilang aktibong suporta sa pag-organisa sa ayuda.
