Mikunhod ang nakolekta nga taripa sa bugas sa gobyerno sa tuig 2025, kini sumala sa datos sa Bureau of Customs (BOC).
Mokabat sa PHP13.7 bilyon lamang ang nakolekta diin mas ubos kini og 60 porsyento kumpara sa PHP34 bilyon nga nakolekta niadtong 2024.
Gilauman na sa rice industry ang pagkunhod sa koleksyon sa taripa tungod sa pagpaubos sa taripa ngadto sa 15 porsyento gikan sa miaging 35 porsyento. Apil na usab niini ang pagpatuman sa Department of Agriculture (DA) sa pagdili sa pagsulod sa imported nga bugas dinhi sa nasud nga nagsugod niadtong Septiyembre 1, 2025.
Photo courtesy: Philstar
