Gikasal na ang miyembro sa SexBomb Girls nga si Cheche Tolentino sa iyang non-showbiz partner nga si Jek sa Estados Unidos. Ang ilang kasal gipahigayon sa San Diego, California.
Gipahibalo ni Cheche ang maayong balita pinaagi sa iyang social media diin iyang gi-post ang mga hulagway sa ilang adlaw sa kasal uban sa caption nga, “Mr. & Mrs. Sotto.” Makita sa mga litrato ang bag-ong kasal nga malipayon samtang naglingaw sa usa ka hotel nga adunay nindot nga tan-awon nga cove.
Daghang netizens ug mga celebrity ang mihatag og pag congratulate, lakip sila Melai Cantiveros, Anthony Rosaldo, ug mga kauban niyang SexBomb Girls nga sila Sugar Mercado ug Sunshine Garcia.
Nagsugod ang relasyon ni Cheche ug Jek niadtong 2022. Opisyal silang na-engage niadtong 2024 human nagpropose si Jek atol sa ilang bakasyon sa Japan. Niadtong Hulyo sa miaging tuig, gihuman ni Cheche ang iyang mga buluhaton sa Pilipinas sa wala pa siya mibalhin sa US aron magpuyo uban sa iyang bana.
Photo Courtesy: Showbiznestlifestyle
