Daling nagpahigayon ug rescue operation ang mga personahe sa Manay Municipal Health Office uban sa mga sakop sa DOPH Manay human nga miigo ang 6.7 magnutide nga linog sa munisipyo pasado alas 11:02 sa buntag, Enero 7, 2026.
Ang mga biktimang nawad-an sa panimuot human sa maong linog daling gidala sa Municipal Health Office alang sa medical nga pag-atiman.
Kalabot niini, giabisuhan ang mga residente nga andamon ang emergency kits ug sundon ang tanang pahibalo gikan sa lokal nga pangagamhanan alang sa kaluwasan.
Gidasig usab ang publliko nga magpabiling kalmado ug alerto, mag-andam sa posibleng aftershocks, susihon ang mga nasamdan ug daling tabangan. Susihon usab ang kahimtang sa mga balay ug istruktura ug likayan ang pagsulod sa mga nadaot nga bilding aron dili mabutang ang kinabuhi sa peligro.
