Dakpan ang usa ka Mananagat atol sa gilusad nga anti-illegal drugs operation pinaagi sa buy-bust operation sa Municipal Drug Enforcement Unit (MDEU) sa Socorro Municipal Police Station, niadtong nakalabay nga adlaw sa Barangay Honrado, Socorro, Surigao del Norte, bandang alas 11:30 sa gabii.
Ang drug operation gipangunahan ni PCPT Franklin Parejo, Hepe sa lungsod kinsa miila sa suspek nga si Reyvenzon Cruiz alyas “Erang,” 52-anyos, minyo, ug residente sa maong barangay.
Narekober gikan sa suspek ang usa ka heat-sealed transparent plastic sachet sa gituohang shabu nga gibana-bana motimbang og 0.3 gramos nga kantidad ₱2,040.00, nga gipalit sa poseur buyer, narekober usab ang 21 ka heat-sealed sachet sa gituohang shabu nga gibana-bana motimbang og 10.7 grams nga kantidad ₱72,760.00.
Nakuha usab ang ₱1,000 nga marked money, cash nga nagkantidad ug ₱5,105 sa nagkalain-laing denominasyon, usa ka glass pipe, duha ka plastic hose, lighter, vape bottle, gamay nga gunting, usa ka Itel keypad cellphone, tulo ka pakete sa sigarilyo, ug usa ka empty plastic sachet.
Ang dinakpan nga suspek ug tanang narekober nga ebidensya anaa na karon sa kustodiya sa Socorro MPS alang sa tukmang disposisyon ug legal nga proseso.
