Gipahigayon sa Cotabato Police Provincial Office (CPPO), niadtong nakalabay nga adlaw ang disposal sa mga firecrackers nga nasakmit sa mga kapulisan sa tibook Probinsya.
Sumala pa ni PLT James Warren Caang ang Spokesperson sa Cotabato Police Provincial Office, mao na kini ang ikaduhang disposal, nga unang gipahigayon niadtong Disyembre 27, 2025, diin anaa sa kapin 300 ka mga firecrackers ang gilabay.
Samtang, kagahapong adlawa, anaa sa 3,042 ka mga firecrackers nga adunay gibana-banang kantidad nga Php41,460.00 ang gilabay usab ug giguba lakip na ang boga.
Ang maong kalihukan gitambungan usab sa Provincial Staff, CPPO personnel, Chiefs of Police, Force Commanders, Regional Civil Security Unit, Provincial Explosive Ordnance Disposal ug Canine Unit ug Bureau of Fire Protection personnel.
Kini nga inisyatiba kabahin sa nagpadayon nga kampanya sa PRO12, aron malikayan ang mga aksidente nga may kalabotan sa pabuto ug mapalambo ang luwas nga palibot alang sa tanang residente.
Photo Courtesy:PRO 12 North Cotabato PPO
