Napalgang patay ang usa ka mag-uuma sa basakan sa Purok 4, Barangay Mabuhay, Pres. Roxas, Cotabato, niadtong nakalabay nga adlaw. Giila ang biktima nga si Aldren Aquino Lopez, 38-anyos ug residente sa nahisgutang lugar.
Sa taho, nakita sa mga residente sa lugar nga wala nay kinabuhi ang biktima nga nakatuslob ang ulo sa lapok sa basakan nga adunay tubig.
Dugang pa, ulahing nakita ang biktima alas 5 sa hapon niadtong Enero 4, 2026, samtang paingon kini sa iyang itikan aron tan-awon ang iyang mga binuhi.
Nabalaka na lamang ang mga kabanay niini, dihang wala kini nakauli sa iyang panimalay. Samtang nasayran usab nga ang maong mag-uuma adunay sakit nga epilepsy og giduhan nga giataki kini, nga miresulta sa iyang kamatayon.
Photo Courtesy: NCT
