Giawhag sa Lokal nga Pangagamhanan sa syudad sa Bislig ang tanang negosyante ug magtukod og negosyo nga mobisita sa ilang buhatan alang sa paspas ug sayon nga rehistrasyon ug pag-renew sa business permit pinaagi sa Business One-Stop Shop (BOSS) 2026.
Ang BOSS 2026 gipangulohan sa Lokal nga Pangagamhanan sa Bislig sa koordinasyon sa Business Permit and Licensing Office (BPLO), nga tumong niini ang pagpahapsay sa mga proseso aron dali ug hapsay nga makasugod o makapadayon sa operasyon ang mga negosyo niining tuiga.
Alang sa dugang nga panginahanglan ug mga pangutana, anaa usab ang mga representante gikan sa City Treasurer’s Office (CTO), City Engineer’s Office (CEO), City Planning and Development Office (CPDO), City Environment and Natural Resources Office (CENRO), City Health Office (CHO), ug sa Bureau of Fire Protection (BFP) aron motabang ug mogiya sa mga negosyante sa pagtuman sa tanang gikinahanglan nga rekisitos sa labing dali nga panahon.
Nagpaabot ang Lokal nga Pangagamhanan sa Bislig City nga makaserbisyo sa katawhan ug masiguro ang malinawon ug hapsay nga pagsugod sa mga operasyon sa negosyo karong tuiga.
Photo courtesy: City Government of Bislig
