Malampusong napahigayon ang Juander Radyo Loyalista Orientation sa Barangay Bagubad, Gingoog City, Misamis Oriental, atol sa tigom sa mga senior citizen niadtong Sabado, Enero 3, 2025.
Ang kalihokan napahigayon pinaagi sa panagtinabangay sa RSV Lifecare dealer ug coordinator nga si Isabilita C. Gomez, kinsa usab ang Senior Citizen President sa barangay.
Kapin sa 70 hangtod 80 ka senior citizen, residente, ug mga opisyal sa barangay ang mitambong sa orientation aron mapasabot ang tumong ug programa sa Juander Radyo Loyalista, nga gipangunahan ni Juander Radyo Station Manager JL Algarme.
Sa unom ka purok sa Barangay Bagubad, lima ka coordinator ang boluntaryong mipadayag sa ilang tinguha nga kinasing-kasing nga magserbisyo ug motabang sa pag-organisa sa mga mahimong miyembro sa programa.
Mapasalamaton usab si Punong Barangay Bienvenido Balatero sa presensya ug suporta sa Juander Radyo, nga iyang giila nga dakong tabang sa paghatod og impormasyon ug serbisyo sa komunidad.
