Patay ang usa ka pulis human kini nag-unay og pusil sa kaugalingon gamit ang service firearm sulod sa Operation Section sa Ramon Magsaysay Municipal Police Station, bisperas sa pagsugat sa bag-ong tuig.
Ang biktima gikataho nga taga Pagadian City, Zamboanga del Sur, hingkod ang panuigon. Segon pa, alas 10:40 na nianang buntag sa mismong adlaw nadiskubrehan sa kaubanang pulis nga nagpusil sa kaugalingon ang biktima gamit ang 9mm pistol.
Gipaagi matod pa sa biktima ang pagpusil sa iyang baba lahus sa tangkugo hinungdan sa iyang hinanaling kamatayon.
Gikaingon pa nga taud-taod nang may gihambin nga personal nga problema ang biktima gani ikatulo ka higayon na matod pa nga misulay paghunos sa kinabuhi.
Nagpaabot usab ug pahasubo ang tibuok hanay sa kapulisan sa Ramon Magsaysay Municipal Police Station ngadto sa nagbangutang pamilya.
Photo courtesy: ADA Derana
