Nakaangkon ug grabeng samad ang usa ka lalaki human mibuto sa iyang nawong ang usa ka kwitis pasado alas 4:20 sa hapon bahin sa Norala, South Cotabato niadtong nakalabay nga adlaw.
Subay sa maong panghitabo samtang gisindihan ang ang pabuto sa usa sa mga kaubanan sa biktima, kalit kining nilupad paingon sa biktima nga si Alyas Yoyong ug nibuto sa iyang nawong rason sa iyang pagka-angol.
Samtang dali kining gidala sa ospital alang sa medikal nga pagtagad. Sa pagkakaron nagpaalim pa kini sulod sa balay tambalanan ug kasamtangang gimonitor sa mga doktor.
Padayong giimbestigahan sa Norala MPS ang maong insidente ug subling gipahimangnoan ang publiko nga likayan ang paggamit og pabuto aron malikay sa disgrasya.
Photo Courtesy: Norala MPS
