Angol ang 22 ka indibidwal, human kining gilabayan og granada, atol sa bag-ong tuig Enero 1, 2026, alas 12 sa tungang gabii sa National Highway, Purok Ipil-ipil, Barangay Dalapitan, Matalam, Cotabato.
Sa taho, duha ka wala mailhing suspek nga nakasakay sa Kawasaki Bajaj nga motorsiklo ang responsable sa insidente.
Dali usab nga gidala sa balay tambalanan ang 22 ka indibidwal, human nakahiagom og samad sa lain-laing parte sa kalawasan.
Sa karon, padayon pa ang lalom nga imbestigasyon sa Matalam Municipal Police Station, aron masuta ang motibo ug posibleng pag-ila sa mga suspek.
Courtesy:Jaco Mi
