Gidawat sa Police Regional Office 10 ang 30 ka bag-ong Patrolmen ug Patrolwomen atol sa oath-taking ug turnover ceremony kagahapong adlawa, ubos sa Calendar year 2025 Regular ug Attrition Recruitment Program.
Sa 30 ka recruits, 20 gikan sa Regular Quota ug 10 gikan sa Attrition Quota. Ang ubang bag-ong pulis i-assign sa Anti-Cybercrime Group, samtang ang Attrition recruits mahimong dugang pwersa sa mga naunang nanumpa nga personnel.
Matod pa ni PBGEN Christopher N. Abrahano, Regional Director sa PRO10, mahinungdanon ang integridad, kahibalo, ug pagsalig sa publiko sa pag-alagad sa kapulisan.
Gipahimangno-an usab niini ang mga pulis nga dili mag apil apil sa mga iligal nga binuhatan aron mag dugay sa serbisyo.
Photo courtesy: Life of Maharlika
