Epektibo sa Enero 03, 2026, pagsaka sa minimum wage rate sa Caraga Region ngadto sa ₱455 matag adlaw, subay sa Wage Order No. RXIII-20, sumala sa Regional Tripartite Wages and Productivity Board (RTWPB) Caraga.
Dugang pa niini, adunay ikaduhang usbaw nga ipatuman sa Mayo 01, 2026, diin ang minimum wage mosaka ngadto sa ₱475 matag adlaw, isip bahin sa phased implementation sa wage adjustment aron matabangan ang mga mamumuo sa pagsaka sa gasto sa panginabuhi.
Sa laing bahin, ilalom sa Wage Order No. RXIII-DW-06, gipataas usab ang monthly minimum wage sa mga kasambahay o domestic workers sa tibuok Caraga Region ngadto sa ₱6,500 matag bulan.
Matod pa sa RTWPB Caraga, ang maong wage increase gitumong aron mapalambo ang kahimtangan sa mga trabahante ug masiguro ang makiangayon nga sweldo, samtang ginatimbang usab ang kahimtangan sa mga negosyo sa rehiyon.
Photo courtesy: DOLE-Caraga
