Padayon ang paningkamot sa Provincial Government sa Zamboanga Sibugay sa pagpalig-on sa serbisyong panglawas alang sa katawhan. Gilunsad karon ang lain-laing programang panglawas nga tumong mapaduol ang libre ug de-kalidad nga medical services ilabi na sa mga barangay nga layo sa sentro sa lungsod.
Lakip sa mga programa ang libreng medical ug dental check-up, bakuna para sa mga bata, nutrisyon program alang sa buntis ug kabataan, ug libreng tambal para sa mga pasyenteng adunay sakit sama sa high blood, diabetes, ug ubo’t sip-on.
Sumala sa Provincial Health Office, dako ang tabang sa maong mga programa aron malikayan ang grabe nga sakit ug mapauswag ang kahimtangan sa panglawas sa mga Sibugaynon. Gipasiugda usab ang kahinungdanon sa preventive healthcare pinaagi sa regular nga check-up ug husto nga nutrisyon.
