Misaka ang national average price sa Bugas og Manok karong bulan sa Desyembre base sa gipagawas nga datus sa Philippine Statistics Authority.
Sumala pa ang Well-milled rice nagkantidad og Php48.91 matag kilo gikan sa Dec. 1- 5, 2025 kumpara sa Php47.90 matag kilo nga natala sa miaging bulan sa Nobyembre 15 -17 og Php47.63 matag kilo sa Nobyembre 1 – 5. Apan mas ubos gihapon kini sa Php54.97 og Php54.71 matag kilo sa una og ikaduhang phase sa Desyembre 2024.
Samtang ang Dressed chicken misaka usab sa Php210.67 matag kilo sa bulan sa Desyembre kumpara sa Php208.42 matag kilo sa tunga-tunga sa Nobyembre Php208.44 matag kilo sa unang semana. Og mas taas gihapon kini sa natala sa miaging Desyembre 2024 sa Php207.80 matag kilo.
Sa samang bahin ang Galunggong karon gibaligya sa Php244.90 matag kilo sa unang semana sa bulan sa Desyembre, mas ubos kini kumpara sa Php247.86 matag kilo sa tunga-tunga sa bulan sa Nobyembre, apan mas taas gihapon kini sa Php242.83 nga natala sa unang semana.
