Gimonitor sa National Police Commission (NAPOLCOM) ang imbestigasyon sa giingong pag-inom nga nahitabo sulod sa Dolores Municipal Police Station sa Eastern Samar.
Unang nitumaw ang mga hulagway nga kuha sa maong estasyon nga nagpakita sa mga pulis nga nag-inom sulod sa buhatan. Ubay-ubay usab nga mga botelya sa lain-laing ilimnon ang anaa sa ilang atubangan.
Matod sa Napolcom, gitutokan niini ang pag-uswag sa kaso batok sa mga pulis nga nakit-an nga nag-inom, lakip na ang silot nga ilang atubangon, gawas sa pasiunang aksyong pagdisiplina.
Base sa inisyal nga report sa komisyon, giingong nahitabo ang inom niadtong Disyembre 15, dihang nag Christmas party ang nahisgutang estasyon.
Nigawas nga gibalhin sa kapulisan ang ilang imnanan sulod sa estasyon tungod sa daot nga panahon. Ang mga pulis nga nalambigit, lakip ang hepe sa istasyon, gisuspenso una samtang nagpadayon ang imbestigasyon.
Photo Courtesy to: JRK
