Gipaabot sa Department of Energy (DOE) nga makadawat og “holiday gift” ang mga motorista kay posible moubos ang presyo sa lana sa sunod semana. Sumala ni DOE Oil Industry Management Bureau Assistant Director Rodela Romero, base sa monitoring sa Platts Singapore, ang posibleng rollback mao ang mga musunod:
Gasolina – Php1.20 / litro
Diesel – Php1.70 / litro
Kerosene – Php1.75 / litro
Giingon ni Romero nga ang pag-ubos sa presyo resulta sa optimismo sa peace agreement tali sa Russia ug Ukraine, ug sa stable nga global supply samtang hinay ang demand.
Sa pinakabag-ong adjustment, ang net increase sa presyo mao ang: gasolina Php21.30, diesel Php21.65, ug kerosene Php6.65.
Photo Courtesy to: Philippine News Agency
