Nagduso ang Sanguniang Bayan sa Ipil og resolution aron sa pagtugot sa Local Government Unit (LGU), pinaagi sa representasyon ni Mayor Ramcess Olegario sa pakig-partner sa GCash alang sa pagpatuman sa Online payment facility.
Kini nga lakang gitumong aron masuportahan ang bag-ong gi-aprobahan ug gi-patuman nga PalengQRPH program nga gamit ang QR code sa pagbayad sa merkado og transportasyon.
Sa walay paglangan, ang nasampit nga resolution gi-aprobahan sa ika-25 nga regular session sa Sangguniang Bayan, nga naghatag og legal nga awtoridad sa LGU sa pag-establisar sa digital payment system sa merkado ug palengke ug sa transportation sector.
Gituohan nga ang maong inisyatibo makatabang sa mas paspas, hapsay, ug transparent nga transaksyon alang sa mga mamaligya og konsumidor og magpalig-on sa implementasyon sa lokal nga programa sa lungsod.
