Subling nakita sa publiko ang aktres nga si Erich Gonzales nga karon naa sa Thailand aron suportahan ang iyang bana nga si Mateo Lorenzo ug hipag nga si Paola Lorenzo sa 33rd Southeast Asian (SEA) Games.
Nag post sa social media si Erich nga usa ka “proud member” sa Team Philippines, samtang naghatag siya og full support sa duha ka Lorenzo nga mga delegado sa Philippine equestrian team.
Ang iyang bana nga Si Mateo Lorenzo, usa ka Filipino equestrian ug negosyante, adunay taas nga kasinatian sa internasyonal nga kompetisyon.
Sumala sa Equestrian Association of the Philippines, miapil na siya sa dagkong torneyo sama sa 2007 SEA Games ug 2014 Asian Games.
Karon sa 33rd SEA Games, nakahimo si Mateo og comeback sa regional competition, sakay sa iyang kabayo nga It’s a Men GR, usa ka 12-anyos nga bay gelding, Samtang si Paola Lorenzo usab nagrepresentar sa nasud sa maong sport.
Photo courtesy: PEP.PH
