Gidala sa balay tambalanan ang usa ka delivery rider human kini giluba sa usa 31-anyos nga suspetsado nga natigayon sa Zone 1, Barangay Muricay, Pagadian City, niadtong nakalabay nga adlaw.
Sa inisyal nga imbestigasyon, samtang ang biktima naghatod ug mga parcels sa nahisgutan nga barangay kalit nalang kini nga giduol sa suspetsado ug giluba igo sa tuong bahin sa liog.
Nakahimo ra sa pag-eskapo ang biktima gikan sa kamot sa suspetsado hinungdan dali kini nga nadala sa mga nagpakabanang indibidwal ngadto sa pinakaduol nga tambalanan alang sa dinaliang medikasyon.
Human sa maong panghitabo, ang suspetsado nadakpan, dayon sa mirespondeng mga barangay tanods sa lugar apan ang gikatahong hinagiban nga gigamit sa pagpangluba wala na nakaplagan.
Samtang nakakustudiya na karon ang dinakpan sa Pagadian City Police Station alang sa tukmang lakang.
Photo Courtesy to: Caymanian Times
