Gipasigarbo karon sa Davao Oriental State University (DOrSU) ang usa ka mahinungdanon nga academic milestone human ang upat ka mga graduate student nalakip sa top performers alang sa September-November 2025 Licensure Examination for Teachers (LET).
Kabahin niini, sa resulta nga gipagawas sa Professional Regulation Commission (PRC), nabutang sa ika-upat nga pwesto sa tibuok nasud nga adunay rating nga 94.20% si Max Artem Donaire, kinsa migradwar sa Bachelor of Secondary Education, Major in English.
Samtang anaa usab sa ika-9 nga pwesto nga adunay rating nga 93.20% matag usa sila Josh Eric Jaljis ug Adrian Alex M. Laurito sa Bachelor of Secondary Education, Major in English, uban ni Jeric Carpio Galbo kinsa migradwar sa Bachelor of Secondary Education, Major in Science.
Giila ang mga top performers sa ilang gipakitang kahusay ug dedikasyon pinaagi sa ilang pagpaningkamot aron nga makab-ot ang maong resulta.
Kalabot niini, ang LET usa ka nationwide licensure examination nga gidumala sa PRC alang sa mga indibidwal nga nagtinguha nga makasulod sa propesyon sa pagtudlo.
Photo Courtesy to: Ang Sidlakan Publication
