Mokabat sa kapin ₱495-M nga FMR projects nagpadayon sa tibuok Davao Region. Kini adunay gitas-on og 20.38 kilometros ang karon ginapatuman sa nagkadaiyang lugar sa Davao Region.
Sa kinatibuk-an, adunay 23 ka proyekto nga nagpadayon ug tulo (3) na ang nahuman. Kini gitaho ni Department of Agrarian -11 Engineer Jumark Palmera atol sa Regional Year-end Assessment sa Farm-to-Market Road (FMR) Projects nga gipahigayon gikan Disyembre 10 hangtod 12, 2025 sa Pantukan, Davao de Oro.
Ang kalihokan nagtutok sa pagrebisa sa kahimtangan ug performance sa mga proyekto alang sa FY 2025 ug nagsilbing basihan sa estratehikong pagplano para sa FY 2026. Sumala ni Palmera, ang mga FMR projects sa FY 2025 maayong gipang-apod-apod sa tibuok rehiyon diin upat (4) ka proyekto matag usa sa Davao City ug Davao del Norte, duha (2) matag usa sa Davao del Sur ug Davao Occidental, 11 ka proyekto sa Davao de Oro, ug tulo (3) sa Davao Oriental.
Gipanguna sa mga proyekto ang mga yawe nga lugar sa produksyon sa agrikultura aron mapalambo ang access sa merkado sa mga mag-uuma.
Photo Courtesy to : Agri Info Davao
