Nadakpan sa kapulisan ang usa ka lalaki nga nagpaka-doktor sa usa ka pribadong ospital sa Basti, Uttar Pradesh, human mamatay ang usa ka tigulang nga pasyente tungod sa sayop nga operasyon.
Ang 83-anyos nga pasyente gisulod sa ospital tungod sa komplikasyon sa hernia, apan namatay human sa di angay nga pagputol sa tinai atol sa operasyon. Sumala sa imbestigasyon, ang suspek walay bisan unsang kwalipikasyon sa medisina ug nagtuon lang sa pag-opera pinaagi sa YouTube videos.
Gikumpirma sa kapulisan nga ang pekeng doktor nakatrabaho sa ospital sulod sa kapin usa ka tuig, ug nakalimbong sa mga pasyente ug administrasyon pinaagi sa peke nga dokumento.
Gipasakaan na ang suspek ug mga kaso nga naglakip sa estafa ug homicide pinaagi sa kapakyasan. Samtang, ang ospital gi-sirado sa mubo nga panahon ug ang ubang kawani ug opisyal kasamtangang gi-imbestigahan.
via: Knowledge Factory
Photo Courtesy to:Istock
