Nasikop sa kapulisan ang usa ka giila nga High Value Individual (HVI) human sa usa ka buy-bust operation nga gipahigayon sa Tagum City Police Station, kauban ang RSOG/RPDEU 11 bandang alas 3:53 sa kadlawon, Disyembre 16, 2025, sa Barangay Apokon, Tagum City.
Giila ang suspetsado sa alias WALAD, 22-anyos, lalaki, ulitawo, temporaryong nagpuyo sa Purok 3G, RTU, Brgy. Apokon, Tagum City, ug residente sa Brgy. Maranding, Lala, Lanao del Norte.
Sumala sa kapulisan, napalitan sa poseur-buyer ang suspetsado og usa ka dako nga rectangular, heat-sealed transparent plastic sachet nga dunay sulod sa gituohang shabu, gamit ang usa ka Php500 bill nga buy-bust money, ug 20 ka machine copies sa Php1,000 bill nga boodle money.
Nakuha usab gikan sa iyang posesyon ang lima ka dako nga elongated heat-sealed transparent plastic sachet sa gituohang shabu ug usa ka itom nga coin purse. Gibana-bana nga mokabat sa Php204,000 ang kantidad sa nakumpiskang ilegal nga droga base sa Standard Drug Price, nga may gibug-aton nga halos 30 ka gramo.
Sa pagkakaron, anaa na sa kustodiya sa Tagum City Police Station ang suspetsado ug mag-atubang og kaso nga paglapas sa Section 5 ug Section 11, Article II sa RA 9165 o ang Comprehensive Dangerous Drugs Act of 2002.
Photo : PNP DavNor Tagum CPS
