Opisyal nang narehistro ang pagkatawo ni Nanay Veronica Dequiña Dimzon, 60-anyos, residente sa Bautista Street sa syudad ug nagabaligya og banana cue sa atubangan sa Kidapawan City Pilot Elementary School.
Sumala pa ni Atty. Christoper Cabelin ang City Civil Registrar, nga dako ang iyang kalipay tungod sukad sa iyang pagkabata, mahinumduman ni Nanay Veronica maoy kanunay nga nagahatag kaniya og libreng saging.
Wala niya damha nga ang batang iyang gilibre kaniadto, mao na karon ang opisyal nga nakatabang sa pagparehistro sa iyang birth certificate.
Ang rehistro nahitabo pinaagi sa libre nga late registration of birth, usa sa mga prayoridad nga programa ni City Mayor Atty. Jose Paolo M. Evangelista, ilabi na alang sa mga senior citizens.
Tumong niini nga masiguro nga walay mabiyaan ug matag Kidapawenyo adunay legal ug opisyal nga pagkatawo.
Photo Courtesy to: Inside Kidapawan City
