Nakigtagbo ang kawani sa DSWD Field Office 12 sa social worker sa Municipal Social Welfare and Development Office (MSWDO) sa Polomolok kalabot sa insidente diin usa ka batang babaye ang gihapak sa iyang amahan human mapildi sa push bike competition sa Christmas Festival 2025 sa Surallah, South Cotabato niadtong Dominggo.
Atol sa panagtigom nasabutan nga ang amahan ipailawom sa psychological evaluation aron sutaon ang iyang kahimtang ug madeterminar ang ubang gikinahanglang interbensyon.
Gibutyag sa Amahan nga nakalitan lang matod siya sa maong panghitabo, apan gi-angkon niini nga sayop iyang gihimo sa iyang anak. Kahibaluan nga nag viral sa social media ang usa ka video sa paghapak sa amahan sa iyang anak tungod napildi kini sa competition.
Sa pagkakaron ang LGU Polomolok ug DSWD FO-12 padayon nga gimonitor ang kaso aron masiguro ang kaluwasan ug kaayohan sa bata ug mahatagan og tukmang suporta ug giya ang iyang pamilya.
Photo Courtesy to: DSWD FO 12
