Mokabat sa US$3.17 bilyon ang cash remittances gikan sa overseas Filipinos (OFWs) niadtong bulan sa Oktubre 2025, samtang ang kinatibuk-ang kantidad gikan sa Enero hangtod Oktubre niabot sa US$29.20 bilyon.
Matod sa Bangko Sentral ng Pilipinas (BSP), ang Estados Unidos nagpabiling nag-unang tinubdan sa remittance, gisundan sa Singapore ug Saudi Arabia.
Sa samang bulan, natala usab ang mga personal nga remittance, lakip na ang cash nga gipadala sa mga bangko, informal channels, ug remittance in kind, nga niabot sa US$3.52 bilyon, ug US$32.49 bilyon sa kinatibuk-ang napulo ka bulan.
Diin ang mga remittance usa ka importante nga bahin sa ekonomiya sa Pilipinas, kasagaran nga naglangkob sa 9 10% sa Gross Domestic Product (GDP). Diin sa 2024, ang kinatibuk-ang remittance niabot sa US$33.5 bilyon, ug gilauman nga motaas pa sa 2025 tungod sa padayong pagsaka sa panginahanglanon sa mga trabahanteng Pilipino sa gawas sa nasod.
Ang dakong bahin sa mga remittances moadto sa konsumo sa panimalay, edukasyon, ug pabalay, nga makatabang sa pagduso sa lokal nga pag-uswag sa ekonomiya.
Photo Courtesy to: BusinessWorld
