Padayong ginahimo sa National Irrigation Administration (NIA) Cotabato Province ang programang Gulayan sa Patubigan, asa nagsugod niadtong tuig 2024 ug kasamtangang nagpadayon karong tuiga.
Kini nga programa, usa ka mandato gikan sa National nga gipanaog ngadto sa mga Regional Offices. Tumong niini, nga matabangan ang mga mag-uuma nga makaangkon ug dugang nga income labi na sa mga Irrigators Associations.
Sumala pa ni Nambra Abubakar ang Senior Institutional Development Officer sa NIA Cotabato Irrigation Management Office, nga una kining gipatuman sa M’lang-Malasila system ug gisundan na sa lain-laing assosasyon.
Dugang pa, nga nagsugod na usab ang communal aron mapalapdan pa ang naasoy nga programa.
Gipaklaro usab ni Abubakar, nga ang makadawat lamang niini nga programa mao ang mga organisadong irrigators association nga gilangkuban sa mga mag-uuma nga gi-organisa sa NIA.
Gikalipay matod pa sa mga benepisyaryo ang maong programa ug padayong nagapaningkamot ang NIA Cotabato, aron daghan pang mga mag-uuma ang matabangan pinaagi niini.
Photo Courtesy to: Nambra Butuan
