Gibutyag sa Department of National Defense (DND) ang Communist Party of the Philippines–New People’s Army (CPP-NPA) nga ang deklarasyon sa upat ka adlaw nga ceasefire sugod alas 12:00 sa udto sa Disyembre 25 hangtod alas 11:59 sa gabii sa Enero 1 usa ka “propaganda.”
Sumala sa DND, bisan paman sa maong pahibalo, magpadayon ang mga operasyon militar sa gobyerno karong holiday season.
Kini nagpasabot nga ang Armed Forces of the Philippines (AFP) padayong mohatag og suporta sa Philippine National Police (PNP) aron mamintinar ang kalinaw ug kahapsay atol sa holiday season.
Samtang, giawhag sa DND ang nahabilin nga mga miyembro sa CPP-NPA nga mosurender sa gobyerno ug magtinabangay aron masumpo ang karahasan ug muhatag og dalan alang sa pagpadayon sa kalinaw sa nasud.
Photo Courtesy to: Philippine Information Agency
