Gipasidunggan si Jea Joy Cabasa isip usa ka batan-ong mag-uuma nga bag-ohay pa lamang mitapos sa 11 ka bulan nga internship sa nasud sa Taiwan.
Midawat si Cabasa og plaque of recognition ug certificate gikan sa Ministry of Agriculture sa Taiwan, nga nag-ila sa iyang malampusong pagkompleto sa Filipino Young Farmers Internship Program. Ang maong programa nagtumong sa pagpalambo sa agricultural leadership, technical competency, ug cross-cultural collaboration sa mga kabatan-onan.
Sa wala pa siya mobiyahe padulong sa Taiwan, gihatagan usab siya og suporta ni Mayor Frederick W. Siao.
Giawhag sa City Agriculturist’s Office ang mga kabatan-onan sa Iligan nga moapil sa mga susamang programa aron mapalambo ang kahibalo ug kahanas sa umahan ug agrikultura.
Photo courtesy to: Asenso Iligan
