Naratol sa kahadlok ang usa ka lalaking kawatan ug manok human niini nasugatan ang tag-iya didto sa Sitio Upper Torre, Brgy. Inayawan dakbayan sa Sugbu pasado alas 10:00 sa buntag Disyembre 9, 2025.
Naila ang lalaki nga si alyas “Ken Manok”, 17-anyos kinsa gidimalas human nasugatan ang tag-iya sa manok.
Matod pa niya nga iyang nabuhat ang maong pagpangawat tungod sa kapit-os ug wala nay kwarta ug nangita na lamang siya ug pamaagi. Iya matod pang nakita ang mga itari-ay nga manok ug sa walay pagduha duha iyang gi-aswat ang duha ka manok panabong dayong lakaw nga walay nahitabo.
Apan sa walay swerte nga sitwasyon iyang nasugatan ang tag-iya og gisita kini. Tungod sa kahadlok sa suspek iyang nabuhian ang duha ka panari ug nagsampok.
Dali usab nasikop ang suspetsado kinsa gidala gilayon sa Police Station. Gani, igo na lamang kini sa pagpangayo ug pasaylo ngadto sa tag-iya.
Photo Courtesy to: Philippine Ranging Net
